Cyfleoedd Gwaith
Cynorthwyydd Peirianneg
Rydyn ni’n chwilio am Gynorthwyydd Peirianneg i gynorthwyo’r Prif Beiriannydd. Mi fydd y gwaith hwn yn sicrhau bod cerbydau a seilwaith y rheilffordd yn cael eu cynnal a'u cadw'n gywir yn unol â sut mae’r busnes yn gweithredu. Mi fydd hefyd yn sicrhau bod yna ddigon o locomotifau a cherbydau y gallwn eu defnyddio i fodloni gofynion y busnes. Bydd yr ymgeisydd llwyddiannus, pan bydd angen ac ar ôl hyfforddiant llawn, yn gyrru trenau teithwyr yn unol ag amserlen weithredu'r rheilffordd.
Prif Sgiliau a Chyfrifoldebau
- Mi ddylech fod yn meddu ar wybodaeth dda o egwyddorion ac arferion peirianneg gweithdy. Mi fydd angen i chi hefyd fod yn daclus ac yn gallu rheoli offer.
- Mi ddylech feddu ar ddealltwriaeth fecanyddol dda, gyda'r gallu i ddefnyddio’r ddealltwriaeth honno mewn senarios ymarferol.
- Mi ddylech allu gweithredu offer trwm mewn gweithdy, ynghyd ag offer a pheiriannau eraill, a hynny’n gywir ac yn ddiogel.
- Mi ddylech fod yn meddu ar wybodaeth gadarn o ddeddfwriaeth Iechyd a Diogelwch ac yn gallu cynnal asesiadau risg.
- Yn dilyn hyfforddiant llawn, mi ddylech allu gyrru locomotifau stêm a disel i gludo aelodau'r cyhoedd ac i siyntio a symud cerbydau yn gyffredinol.
- Mi ddylech fod â’r gallu i ddeall a pharchu rheolau a rheoliadau gweithrediadau rheilffordd.
- Mi ddylech fod yn meddu ar sgiliau i ddadansoddi gwraidd y broblem i nodi problemau yn effeithiol a rhoi atebion ar waith.
- Mi fydd angen i chi allu cydweithio ag eraill fel rhan o dîm.
- Mi ddylech fod yn meddu ar sgiliau cyfathrebu effeithiol a’r gallu i ddefnyddio TG.
Rydyn ni’n annog ymgeiswyr sy’n awyddus i ddatblygu eu sgiliau a chyfrannu’n ystyrlon at ein rheilffordd i wneud cais am y cyfle cyffrous hwn fel Cynorthwyydd Peirianneg.
Bydd angen i'r ymgeisydd llwyddiannus weithio rhai penwythnosau yn ystod y tymor gweithredu ar sail rota.. Mi fydd unrhyw oriau y byddwch chi’n eu gweithio dros y 37.5 awr safonol yr wythnos yn cael eu talu ar amser a hanner.
Dyddiad cau ar gyfer ceisiadau – 5 Gorffennaf 2026
E-bostiwch eich cais, ynghyd â CV cyfredol, at y Rheolwr Cyffredinol ar:
